Napapansin mo na kaya?
Nadarama ang pagsinta?
Nawawari ang paghanga?
Napupuna ang pagtulala?

Ikaw ang aking salamisim
Ang liwanag sa gitna ng dilim
Pakinggan ang pusong naninimdim
Binubulong ang aking lihim

Sa paglipas ng panahon,
Ang paghanga'y bumabalon
Unti-unting nababaon
Pilit na bumabangon

Dahan-dahan, unti-unti
Nahuhulog sa iyong mga ngiti
Minamasdan taglay mong yumi
Ako'y tuluyan mong nabighani

Sapat na ba na may pagtingin
Upang ako ay iyong mahalin?
Kailan mo kaya diringgin
Sigaw nitong damdamin?

Infinite Fate
02-10-08
10:47pm