Posts

Showing posts from November, 2007

Tala

Tuwing sa langit tumitingala Hinahanap makinang na tala Hindi makita, tila nawala Kasama ko na dito sa lupa Tinig mo'y liwanag sa araw Ngiti'y kinang sa dilim ng gabi Sa lambing mo't gandang umaapaw Ikot ng mundo ko'y tumitindi Binibini, laging tatandaan Dahil sa yo, ngayon ay masaya Ikaw ang tanglaw sa kadiliman Salamat sa kislap na yong dala Aking bituing walang kapantay, Sa buhay ko'y wag sanang mawalay. Infinite Fate Sonnet X 11-23-07 12:38 am

Mag-isa

Kung ikaw ang takbuhan ng mga kaibigan mo kapag may problema sila, sino naman ang takbuhan mo kapag ikaw naman ang may problema? Kung ikaw ang nagpapasaya sa kanila kapag sila ay malungkot, sino naman ang nagpapasaya sa yo kapag malungkot ka?

Maniwala Ka Sana

Nung una kitang makilala di man lang kita napuna, Di ka naman kasi ganoon kaganda, di ba? Simpleng kabatak, simpleng kabarkada lamang ang tingin ko sa 'yo. Di ko talaga alam kung bakit ako nagkakaganito. Ako'y napaisip at biglang napatingin, di ko malaman kung anong dapat gawin. Dahan-dahang nag-iba ang pagtingin ko sa 'yo, Gumanda ka bigla at ang mga kilos mo'y nakakapanibago. Napansin ko na lamang na nalalaglag ang aking puso. Badtrip talaga, na-i-in lab ako sa 'yo. Tuwing kita'y nakikita ako ay napapangiti, para bang gusto kong halikan ang iyong mga pisngi. CHORUS Minamahal kita! ba't di ka maniwala?! Anong kailangan kong gawin upang seryosohin mo Ang aking sinasabi tungkol sa pag-ibig ko sa 'yo? Maniwala ka sana, minamahal kita! Nasira na yata ang ulo ko, kaiisip ko sa 'yo Kahit saan tumingin ay mukha mo ang nakikita ko. Pero bakit para kang naiilang, ako ay iyong iniiwasan? Ako'y nahihirapan, wala namang ganyanan! Pakiramdam ko ngayon ako ay